Sahibsiz oyuncaqlar...

Şəms ELFevral 13, 2008 4:50

Həyatımızda hər şey yarım-yarımçıq
Heç bir işi tamamlaya bilmədik...
Nə tam sevildik, nə də tam sevdik
Nə tam nifrət edildik, nə də tam nifrət etdik
Nə tam qadın olduq, nə də tam kişi
Nə tam azad olduq, nə də tam kölə
Nə tam yaşaya bildik, nə də tam ölə...
Ancaq ümid etdik,
bir gün tam olacağımıza...
Ümidimiz də tam olmadı
sonda ölməli olan ümid,
ömür boyu yarı ölmüş, yarı diri
apardı bizi gah irəli, gah da geri...
Qalmışıq ortalıqda
Sahibsiz oyuncaqlar kimi...

2007

ŞeirlərŞərhlər(0) Baxış sayı:151