Dəniz

Şəms ELFevral 13, 2008 4:48

Dəniz...
Hər sevginin başlanğıcı
həm də sonu
nazlı dəniz...

Tənhaların təsəllisi
Sevgililərin nəğməsi
Dərdlilərin ah-naləsi
Qayğılı,
sevdalı dəniz...

Şahid olmuş
saysız Günəş doğuşuna,
batışına
və savaşına
düşüncələrin
dalğaların üzərində
coşğun dəniz...

İçində gizlidir
neçə göz yaşı
heç vaxt unudulmayacaq
minlərlə həyat yaddaşı
sirli dəniz...

Sahilinə həkk olunmuş
duyğuları,
riyakar yazıları
iz qoymadan
udan dəniz...

Böyük ideyalar sahibi
dağıdıcı,
öz etiraz dalğasını
çəkinmədən
usanmadan
çırpa bilən
insanlığın düz üzünə
üsyankar, inadlı dəniz...

Hər sevginin başlanğıcı
həm də sonu
nazlı dəniz...

2007

ŞeirlərŞərhlər(2) Baxış sayı:162

polad yazıb:

denizden super yazirsiniz cox xosuma geldi fotonun fonunda serler super cixir bele devam edin

Fevral 14, 2008 14:18

RAQIF yazıb:

DƏNİZ İDİM...

Bir dağ idim, təpəyə çox ucadan baxırdım,
Təpə imiş dağ edən dağı, bildim, dağıldım.

Alov idim bir alov, elə yandım alışdım,
Külüm torpağa döndü, özüm külə qarışdım.

Qartal idim, hökmümə diz çökürdü qayalar,
Indi nə hökmüm, nə də diz çökəcək qaya var.
Məni acgöz tamahım sürüklədi yoxuşa,
Qartal sözün kim deyər, nəfsi ac olan quşa?

Bir ürəkdə eşq idim, sevdim həddimi aşdım,
Qısqanc tipə çevrilib, ürəklə vidalaşdım.

Insan idim...insanlar arasından seçildim,
Özümə həddən artıq vuruldum və kiçildim.

Dəniz idim... boş yerə çox coşdum, ləpələndim,
Nəticədə heç olub, torpağa səpələndim...

Raqif Raufoglu